Tottenham Hotspur Football Club
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Tottenham Hotspur | ||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | ||||||||||||||||||||||||||||||||||||||||
Datos | ||||||||||||||||||||||||||||||||||||||||
Nombre oficial | Tottenham Hotspur Football Club | |||||||||||||||||||||||||||||||||||||||
Embotada(s) | Spurs | |||||||||||||||||||||||||||||||||||||||
Establito | 1882 | |||||||||||||||||||||||||||||||||||||||
President | ![]() | |||||||||||||||||||||||||||||||||||||||
Entrenador | ![]() | |||||||||||||||||||||||||||||||||||||||
Instalacions | ||||||||||||||||||||||||||||||||||||||||
Nombre | White Hart Lane | |||||||||||||||||||||||||||||||||||||||
Localidat | Londres (Anglaterra, Reino Uniu) | |||||||||||||||||||||||||||||||||||||||
Aforo | 36.310 | |||||||||||||||||||||||||||||||||||||||
Devantad. | Setiembre de 1889. | |||||||||||||||||||||||||||||||||||||||
Zaguera temporada | ||||||||||||||||||||||||||||||||||||||||
Liga | Premier League | |||||||||||||||||||||||||||||||||||||||
2018/19 | 4º | |||||||||||||||||||||||||||||||||||||||
Equipacions | ||||||||||||||||||||||||||||||||||||||||
| ||||||||||||||||||||||||||||||||||||||||
Pachina oficial d'o club |
O Tottenham Hotspur Football Club ye un club de fútbol d'Anglaterra, d'o municipio de Haringey en a ciudat de Londres. Fue fundau en 1882 y chuga en a Premier League . O suyo rival clasico ye l'Arsenal, con o que disputa o Derbi d'o Norte de Londres. O club ye clamau Spurs por os aficionaus.
Historia
[editar | modificar o codigo]Zaguerías d'o sieglo XIX
[editar | modificar o codigo]O Tottenham Hotspur FC fue fundau en o anyo 1882 con o nombre de "Hotspur FC" por a iniciativa d'os mesaches d'o club de cricket "Hotspur" y d'a escuela primaria local d'establir un club de fútbol.
En 1883 o club fue presidiu por o sinyor John Ripsher. A color d'o club yera azul marina dica 7 anyos dimpués, en que a camiseta cambeyó ta roya. En 1884 a institución cambeyó o suyo nombre a "Tottenham Hotspur Football and Athletic Club".
Tres anyos mas tarde, se produz o primer clasico, conoixiu como Derbi d'o Norte de Londres contra l'Arsenal, ta part d'alavez conoixiu como "Royal Arsenal". O partiu se suspendió a causa d'a foscor, con os "Spurs" ganando 2-1. En 1888 o club se treslada enta uns terrenos privaus en Northumberland Park.
En 1895 a institución se profesionaliza. A l'anyo siguient, bels 6.000 espectadors veyoron o partiu amistoso contra o Aston Villa. O club puya a la Primera División d'a Liga. Amás, i hai unatro cambio de colors. En cuentas de royo con azul marino se converte en negro y dorau. Un anyo dimpués, s'aconsigue plegar a la final d'una copa por primera vegada, chugando contra o equipo local "Wellingborough" y perdendo 0-2 en a Charity Cup. Y en 1898 o club se converte en una sociedat de responsabilidat limitada. Un partiu contra o "Woolwich Arsenal" atraye a una multitut de 14.000 espectadors. Se da unatro cambio de colors, camisa blanca y pantalón azul.
En 1899, o club se treslada a White Hart Lane, puesto a on que se sitúa actualment.
Sieglo XX
[editar | modificar o codigo]En prencipiar o nuevo sieglo, en 1901, s'aconsigue a FA Cup, convertindo-se en o solo club d'a Liga, dende o inicio d'a competición en 1888, en aconseguir ista honor.
En 1920 aconsiguió puyar a la First Division con 70 puntos, récord en l'antigo sistema de dos puntos por victoria.
En 1934 se remata a construcción d'a grada este d'o estadio.
1951 estió un anyo historico. O club se consagra campión de Liga por primera vegada en a suya historia. Y diez anyos mas tarde, en 1961, aconsiguioron o doblete aconseguindo a suya segunda liga y a FA Cup. Manimenos, nunca mas tornarían a alzar o trofeu de Liga.
1963 estió unatro anyo de gloria ta o club. S'aconsigue a Recopa d'Europa redotando a o Club Atletico de Madrit espanyol en a final por 5-1. Dentraría en a historia d'o futbol anglés como o primer club britanico en ganar una competición europea important.
En 1971 s'adchudicoron a League Cup. Y un anyo dimpués, se facioron con a Copa d'a UEFA.
En 1980 escachan l'antiga grada ueste ta dar paso a una estructura nueva y moderna.
En 1982 aconsiguen a FA Cup por setena vegada en l'anyo d'o Centenario d'o Club. Un anyo mas tarde, o Tottenham se converte en o primer club de futbol en quitar accions en a Bolsa de Valors de Londres.
En 1984 s'aconsigue a Copa d'a UEFA por segunda vegada. Un anyo mas tarde torna a haber un cambio de colors. Se chugaba con camisas blancas y pantalons blancos dica 1987, an tornan a vestir camisas blancas y pantalons curtos azul marino.
Un fichache millonario se produciría en 1988: a sinyatura de Paul Stewart d'o Manchester City Football Club por £ 1,5 millons.
En 1989 a grada este ye renovada.
En 1991, o club s'adchudica a FA Cup por octava y zaguera vegada dica hue. Alan Sugar se convirtió en president d'o club y declaró a bancarrota imminent.
En 1992 a Liga tomó o nombre de FA Premier League. O Tottenham nunca ha descendido de categoría dende alavez, estando un d'os pocos equipos que se mantienen en a categoría, chunto a o Manchester United Football Club, Liverpool, Arsenal, Aston Villa Football Club, Chelsea Football Club y Everton.
En 1995 a nueva grada sud ye rematada. Se traspasa a Chris Armstrong, d'o Crystal Palace por 4,5 millons de libras. Un anyo dimpués se planteya que s'inviertan 10.900.000 de libras ta reconstruyir a grada norte, zonas completas d'a sud, y reemplazar o terreno de chuego. Y en 1997 plegó una estrela d'a Liga por ixas envueltas: Les Ferdinand, procedent d'o Newcastle United sinyó por 6 Millons de libras.
En 1998 a nueva grada norte ye rematada. A capacidat d'o estadio queda en 36.257 personas.
En l'anyo 2000 plega unatro fichache caro, o ucrainián Serhiy Rebrov por 11 Millons de libras, procedent d'o Dinamo de Kiev.
Sieglo XXI
[editar | modificar o codigo]En 2001 plegó a o club o ex-seleccionador Glenn Hoddle. Daniel Levy se convirtió en president. Teddy Sheringham, o héroi d'a final d'a Champions 1999 tornó a o club procedent d'o Manchester United Football Club y s'unió a os recientment plegaus Christian Ziege y Gustavo Poyet.
En 2002 se plega a la final d'a Worthington Cup, en a primera temporada de Glenn Hoddle como manager, pero perdió 2-1 debant d'o Blackburn Rovers en o Millennium Stadium de Cardiff. Jamie Redknapp sinyó en abril por o club chusto antes d'o fichache por 7 Millons de libras d'o debantero estrela irlandés, Robbie Keane, procedent d'o Leeds United, en agosto.
Un anyo dimpués, plegan a o club Helder Postiga y Bobby Zamora, En setiembre, Glenn Hoddle deixa o equipo, estando substituyiu de traza temporal por David Pleat.
En 2004 se formó una nueva estructura en o club. David Pleat se'n fue en chulio. Plegoron a o club Frank Arnesen, procedent d'o PSV Eindhoven, como director esportivo, Jacques Santini como entrenador chefe, Martin Jol como primer asistent y Dominique Cuperly como preparador fisico. Santini albandonó en noviembre y Martin Jol asumió o cargo de director tecnico. En octubre, a Selección anglesa contó con tres Spurs (Jermain Defoe, Ledley King y Paul Robinson) por primera vegada dende 1987.
![](http://upload.wikimedia.org/wikipedia/commons/thumb/e/e1/Jonathan_Woodgate_Tottenham_Hotspur.png/220px-Jonathan_Woodgate_Tottenham_Hotspur.png)
A partir de l'anyo 2006 se levoron a cabo una serie d'exitosos fichaches que levoron a o club de nuevo a o panorama europeu, entre éls, Aaron Lennon, Michael Dawson, Dimitar Berbatov, Didier Zokora, Benoit Assou-Ekotto, Pascal Chimbonda, y Steed Malbranque. Manimenos, o talentoso mediocentro Michael Carrick se'n fue a o Manchester United Football Club.
En 2007 plegoron a o club Gareth Bele y Darren Bent, mientres que a o director tecnico Martin Jol se le demandó que dimitise chunto a o entrenador Chris Hughton. Lo substituyó Juande Ramos, procedent d'o Sevilla FC espanyol, con os suyos ayudants Marcos Álvarez y Gustavo Poyet, ex d'o club.
O 2008 tenió un comienzo sobebueno. Primero estió a gran victoria debant de l'Arsenal por 5-1 y a posterior victoria frent a o Chelsea por 2-1 ta devantar a League Cup en o estadio Wembley. Os chugadors David Bentley, Heurelho Gomes, Luka Modric, Roman Pavlyuchenko y Giovanni dos Santos son as exitosas nuevas incorporacions mientres que Harry Redknapp tomó o relevo de Juande Ramos en o banquillo en octubre de 2008.
En chinero de 2009, plegó a o club Wilson Palacios, y tornoron Robbie Keane y Jermain Defoe.
En l'anyo 2010, y dimpués de cuasi 50 anyos, o club aconsiguió a clasificación ta a Copa d'Europa (ta part d'alavez dita Liga de Campions de la UEFA). Una clasificación que se concretó en as zagueras chornadas con a victoria a lograda frent a o Manchester City Football Club con gol de Peter Crouch.
A temporada 2010-2011 prencipió con a previa d'a Champions frent a o conchunto suizo d'o Young Boys. En o partiu d'ida os suizos metioron en periglo a continuidat d'os Spurs en ista competición, ya que en a primera meya hora ganaban 3-0, pero os Spurs aconsiguioron retallar o marcador y acaboron con 3-2 en contra. A tornada estió diferent y o Tottenham ganó por un 4-0 en White hart Lane, con hat-trick de Peter Crouch. Os Spurs compartioron grupo con l'actual campión, o Inter de Milán, Werder Bremen y Twente. En a tercera chornada visitoron Sant Siro ta chugar con l'Inter a on perdioron 4-3 tot y que Gareth Bele aconseguirá marcar tres gols en a segunda parte. En a tornada en White Hart Lane, unatra gran partiu de Gareth Bele sí permitió a os Spurs vencer 3-1.
O Tottenham se vengaría d'o suyo rival, l'Arsenal, que lis fació perder as pretensions en a Carling Cup, con una victoria important en o Emirates Stadium por 2-3 en a liga premier.
O 15 de febrero de 2011 os Spurs aconsiguioron ganar a o AC Milan, por 1 a 0 con gol de Peter Crouch dimpués de chugada d'Aaron Lennon y, o 9 de marzo d'o mesmo anyo aconsiguioron aconseguir o paso a os cuartos de final d'ista competición. O Real Madrid remataría con o suenio d'os londinencos, que serían eliminaus en perder por 4-0 en o Estadio Santiago Bernabéu, a on estió clau a temprana expulsión de Peter Crouch; y en a tornada, por 0-1, con gol de Cristiano Ronaldo dimpués que l'arbitro no hese pitau bels cuantos posibles penaltis en os primers intes.
En a liga, os Spurs peleyoron dica o final por a 4ª plaza, pero en zagueras una redota contra o Manchester City Football Club por 1-0 los deixó sin opcions de tornar a chugar a Liga de Campions. En a debantzaguera chornada s'enfrentarían a o Liverpool, por a sola plaza de Liga Europea de la UEFA, a os spurs no les valeba que a victoria y finalment aconsiguioron imposar-sen por 0-2 en Anfield, con gols de Rafael van der Vaart y Luka Modric.
En verano de 2011 plegoron a o club 3 importants fichaches: o portero veterano estadounidense Brad Friedel, o centrocampista Scott Parker y o debantero Emmanuel Adebayor.
Por un atra parte deixarían o club 7 chugadors, entre os cuals destacan dos nombres que deixoron sinyal en White Hart Lane: o ex capitán Robbie Keane, qui fichó por Los Ángeles Galaxy y o granizo Peter Crouch, debantero canterano que se'n fue ta o Stoke City, mesmo equipo a o que heban iu a parar Wilson Palacios y Jonathan Woodgate, qui tamién se vestirán de potters. Por un atra parte os chugadors Alan Hutton Y Jermaine Jenas fichoron por o Aston Villa, iste zaguero en calidat de cediu, y David Bentley a la fin tamién deixó o club ta vestir a chambreta d'o West ham en calidat de cediu.
O goyo mes gran ta l'aficion d'o Tottenham estió a continuidat d'o mago croata Luka Modrić en o equipo.
Estadio
[editar | modificar o codigo]O Tottenham Hotspur se mudó ta White Hart Lane en 1899. O suyo primer partiu en iste campo remató con una victoria sobre o Notts County por 4-1. Cinco mil aficionaus presencioron a victoria. Entre 1908 y 1972, White Hart Lane estió un d'os pocos recintos de futbol britanicos que no amostraban garra cleta publicitaria.
Arredol de 1923 o recinto fue enamplau ta acullir a 50.000 espectadors cubiertos. Ye cosirau por a suya mascota, un gallo de baralla policía, dende o tellau d'a grada este. En os anyos 1930 o futbol yera un pasatiempo a-saber-lo de popular, y encara que o Tottenham no yera guaire fuerte por ixas envueltas, 75.038 espectadors acudioron a White Hart Lane en marzo de 1938 ta veyer a os Spurs perder con o Sunderland en a FA Cup. En 1953 s'introducioron os focos, que fuoron renovaus de nuevo en os anyos 1970 y regularment renovaus con nueva tecnolochía dende alavez.
Recientment se reveló a construcción d'un nuevo estadio que acullirá a 60.000 aficionaus.
Entrenadors
[editar | modificar o codigo]Nombre | País | Dende | Dica |
---|---|---|---|
Glenn Hoddle | ![]() |
2001 | 2004 |
Martin Jol | ![]() |
2004 | 2007 |
Juande Ramos | ![]() |
octubre de 2007 | octubre de 2008 |
Harry Redknapp | ![]() |
2008 | 2012 |
André Villas-Boas | ![]() |
2012 | 2013 |
Tim Sherwood | ![]() |
2013 | 2014 |
Mauricio Pochettino | ![]() |
2014 | L'actualidat |
Palmarés
[editar | modificar o codigo]Torneyos nacionals
[editar | modificar o codigo]- Premier League (Maxima categoría dica 1992) (2): 1950-51, 1960-61
- Copa d'a Liga d'Anglaterra (8): 1900-01, 1920-21, 1960-61, 1961-62, 1966-67, 1980-81, 1981-82, 1990-91
- Fa cup (4): 1970-71, 1972-73, 1998-99, 2007-08
- Football League Second Division (2): 1919-20, 1949-50
- Community Shield (7): 1921, 1952, 1961, 1962, 1967, 1981, 1991
Torneyos internacionals
[editar | modificar o codigo]- Recopa de Europa (1): 1962-63
- Anglo-Italian League Cup (1): 1971
- Liga Europea de la UEFA (2): 1971-72, 1983-84
Torneyos amistosos
[editar | modificar o codigo]- Trofeu Costa del Sol (2): 1965-66,
Enlaces externos
[editar | modificar o codigo]